PRESENTACIÓN DA REVISTA CORGA Nº3

No mes de Xullo de 2012 presentáronse no Centro Sociocultural do Corgo os artigos que forman parte do número 3 da revista Corga, editada polo Centro de Estudos do Corgo. Os artigos presentados e os seus autores foron os que seguen:

- Fernando Arribas presentou o artigo "Cruceiros e cruces no Concello do Corgo".

- "Etnorituais e ofrendas relixiosas a nivel popular en dúas comunidades do Corgo: Anseán e Castrillón" de José Manuel Blanco Prado.

- "A fervenza. Reserva da biosfera." De Xosé Enrique Casanova Sánchez.

-"Os teleclubs do concello do Corgo (1967-1984): Unha achega inicial", de Juan José García Rodicio.

- "Léxico do Galego de Queizán", de Xosé Manuel Castro Castedo.

- "Debuxos do río Chamoso" de Jesús Iglesias Jiménez.

- "Os escudos no concello do Corgo" de Jesús Abuín Arias e Josefa González Díaz. 

- "As divindades da auga na provincia de Lugo: A fonte das Virtudes",  Javier Gómez Vila. 

- "A vella estrada xeral entre o Padornelo e Lugo" de Jaime F. López Arias.

O día 20 de setembro de 2012,na galería Sargadelos de Lugo presentouse este novo número da revista Corga. Interviron, Consuelo Vázquez Castro, presidenta do Centro de Estudos de Corgo, que fixo un resumo dos obxectivos que persigue o CEC e das actividades que desenvolve dito Centro de Estudos; Mario Outeiro, Deputado Provincial, representando a Vicepresidencia 1ª da Deputación, Área de cultura e deportes, versou sobre a importancia deste colectivo na dinamización e divulgación cultural no medio rural, neste caso, do Corgo e Jaime Félix López Arias, autor do traballo, “A  vella estrada xeral entre  o Padornelo e Lugo”, realizou unha recensión do seu ártigo.

"PALIMOCO TEATRO" NO CORGO

A A.C. Arumes do Corgo, o Centro de Estudos do Corgo (CEC) e a Área de Cultura e Turismo da deputación de Lugo organizan dúas actuacións do grupo "Palimoco Teatro" no concello do Corgo.

A actuación titulada "Queres que cho conte?" (integrada no proxecto "Cultura sobre rodas") é unha actividade interdisciplinar de gran calidade, na que se mestura dinamicamente a literatura oral, o teatro, a danza e a música, cun obxectivo común, achegar os contos tradicionais das nosas terras ao público infantil, dun xeito entretido e divertido.

O CORGO

- Lugar: Centro Sociocultural

- Data: mércores, 20 de xullo de 2011

- Hora: 11:30 h

CELA

- Lugar: Ponte de Neira (se o tempo é bo) ou Local Social de Cela (se o tempo non é tan bo)

- Data: xoves, 21 de xullo de 2011

- Hora: 19:30 h

PRESENTACIÓN DA CORGA Nº 2 EN SARGADELOS

O día 6 de xuño presentouse na Galería Sargadelos de Lugo, ás 20:00 h o número 2 da revista Corga do Centro de Estudos do Corgo.


A orde de intervencións foi a seguinte:

• Mª Consuelo Vázquez Castro (presidenta do CEC): "Apertura do acto e presentación dos fins e actividades do Centro de Estudos do Corgo".
• Roberto Rodríguez Páramo (secretario do CEC): "A revista Corga".
• Javier Gómez Vila (socio do CEC): "O Camiño Real de acceso a Galicia e a súa pegada nas Terras do Corgo".

PRESENTACIÓN DO 2º NÚMERO DA REVISTA CORGA

O luns, día 6 de xuño de 2011, realizarase a presentación do número 2 da revista Corga na Galería Sargadelos de Lugo (sita na praza de Santo Domingo nº 4) ás 20:00 h. Animámoste a asistir así como que convides aos teus achegados.

4º EXPOSICIÓN DE TRABALLOS

O Centro de Estudos do Corgo (CEC) organizou hoxe, sábado, unha xornada de relatorios sobre o concello do Corgo. No centro sociocultural, ás 20:00 e co apoio económico da Vicepresidencia Primeira da Deputación de Lugo e do Concello do Corgo e coa colaboración da Asociación Cultural Arumes do Corgo desenvolvéronnse os seguintes relatorios:

- Xosé Manuel CASTRO CASTEDO: “O galego en Queizán. Vocalismo, consonantismo e fonética sintáctica”.


- Jesús ABUÍN ARIAS e Josefa GONZÁLEZ DÍAZ: “O pazo do corgo”.


- José Luis GARROSA GUDE: “O traballo compilador de Francisco Vázquez Saco: as oracións de elaboración do pan e outras tradicións orais do Corgo”.


- Mario OUTEIRO IGLESIAS: “Recollida do patrimonio inmaterial no Corgo: unha materia pendente”.


Os traballos foron aprobados polo Comité Científico e polos socios do Centro de Estudos do Corgo polo que supoñen a incorporación como socios numerarios da entidade aos catro primeiros relatores (Mario Outeiro Iglesias é socio numerario dende hai 1 ano e este traballo representa o segundo publicado).

Ao final da presentación o público asistente tivo a oportunidade de interaccionar cos relatores preguntando tanto cuestións sobre o resultado dos seus estudos como do procedimento para levalos a cabo.


Na foto aparecen de esquerda a dereita:

1. Mario OUTEIRO IGLESIAS (relator)
2. Josefa GONZÁLEZ DÍAZ (relatora)
3. Jesús ABUÍN ARIAS (relator)
4. Xosé Manuel CASTRO CASTEDO (relator)
5. José Luis GARROSA GUDE (relator)
6. Mª Consuelo VÁZQUEZ CASTRO (presidenta do CEC)

3º EXPOSICIÓN DE TRABALLOS

O sábado, 2 de abril de 2011, no Centro Sociocultural do Corgo, ás 20:00 h, o Centro de Estudos do Corgo celebrou o ciclo de relatorios denominado "Coñecemos O Corgo III".

As exposicións de traballos prolongaranse durante o mes de abril e serviaralles aos relatores para a adquisición da condición de socios/as numerarios do Centro de estudos do Corgo (CEC).

Con intervencións breves, de 20-30 minutos, os relatores conseguiron crear ao final do acto un coloquio sobre as temáticas tratadas no que participou todo o público asistente.



O programa de presentación de traballos foi o seguinte:

• Javier GÓMEZ VILA: “O camiño real de acceso a Galicia e a súa pegada nas Terras do Corgo”.



• Juan ORTIZ SANZ e Miguel Ángel PIÑEIRO GÓMEZ: “Catalogación de construcións rurais tradicionais. Os hórreos no concello do Corgo”.



• José Manuel BLANCO PRADO: “O santuario da Virxe das Virtudes (Pedrafita)”.



O Ciclo de conferencias "Coñecemos O Corgo III" e "Coñecemos O Corgo IV" (a desenvolver o sábado, 16 de abril de 2011) conta coa colaboración da A.C. Arumes do Corgo, a Vicepresidencia Primeira da Deputación de Lugo e o Concello do Corgo.

COÑECEMOS O CORGO IV

O sábado, 16 de abril de 2011, celebrarase o cuarto ciclo de conferencias arredor do concello do Corgo no Centro Sociocultural do Corgo ás 20:00 h. Nesta ocasión os relatorios serán:

• Xosé Manuel CASTRO CASTEDO: “O galego en Queizán. Vocalismo, consonantismo e fonética sintáctica”.
• Jesús ABUÍN ARIAS e Josefa GONZÁLEZ DÍAZ: “O pazo do corgo”.
• José Luis GARROSA GUDE: “O traballo compilador de Francisco Vázquez Saco: as oracións de elaboración do pan e outras tradicións orais do Corgo”.
• Mario OUTEIRO IGLESIAS: “Recollida do patrimonio inmaterial no Corgo: unha materia pendente”.